Mos hidh dhjetë për një
Thuhet se njëherë e një kohë ishte një mbret shumë i egër dhe i rreptë. Nuk i duronte njerëzit që bënin gabim. Nuk toleronte aspak. Një ditë
urdhëroi që të përgatiteshin dhjetë qen të egër, që të përdoreshin si mjet ekzekutimi për çdo vezir që do të bënte ndonjë gabim, duke e ngrënë atë.
Një ditë prej ditësh, njëri prej vezirëve dha
një mendim të gabuar. Mbreti u thartua në fytyrë, si për të treguar që nuk i
pëlqeu mendimi i vezirit, dhe urdhëroi që ai të dënohej me vdekje, duke u bërë
kështu dreka e qenve të uritur. Pasi dëgjoi urdhrin e prerë të mbretit, veziri
i shkretë kërkoi t'i jepej dhjetë ditë leje përpara se të kyhej ekzekutimi, si
shpërblim i viteve të gjata të punës në shërbim të tij. Mbreti i rëndë në
fytyrë i dha lejen e kërkuar.
Me të marrë lejen, veziri shkon te vendi ku mbaheshin qentë e egër dhe i kërkoi kujdestarit të tyre që të kujdesej për ta përgjatë dhjetë ditëve.
- Çfarë do të përfitosh nga kjo punë?! - I thotë
kujdestari, me
habi.
Do të ta them më vonë, - ia ktheu veziri i nxituar. - Mirë, si të
duash. - mërmëriti kujdestari i qenve.
Kështu, veziri tregoi një përkujdesje të
jashtëzakontë për
qentë, duke i ushqyer, pastruar, bile duke treguar edhe
dashuri
për ta.
Pasi kaluan dhjetë ditë me numër, erdhi dita e ekzekutimit.
Veziri u mor prej krahu dhe u hodh në kafazin e qenve të egër.
Mbreti bashkë me të gjithë të pranishmit, po prisnin të
shihnin
shfaqen, ku qentë e egër e të uritur, do ta coptonin vezirin e
shkretë, po jo, një gjë e tillë nuk ndodhi. Sapo u hap dera e
kafazit për t'u hedhur veziri brenda, qentë, që në pamje të parë
dukeshin të egër, u zbutën përpapa vezirit sikur të ikin këlyshë
të vegjël të pambrojtur. Përkujdesja dhjetë ditore kishte
treguar efektin e saj. Pasi dëshmoi të gjithë skenën, mbreti i
surprizuar e pyeti vezirin se cila ishte hileja e tij, si ia kishte
arritur që qentë e egër të mos e coptonin. - Përgjatë dhjetë
ditëve jam përkujdesur për qentë dhe ata nuk e harruan
përkujdesjen time. - Kurse ju Mbreti Im, j'u kam shërbyer me
përkushtim për dhjetë vjet dhe për një mendim të gabuar do të
më merrnit jetën, duke më bërë ushqim për qentë.- i drejtohet
me përultësi veziri mbretit, duke dhënë edhe një mësim të
mirë. Mbreti, duke e kuptuar gabimin e tij, tund kokën, për të
treguar që ia kishte falur jetën vezirit, që me butësi kishte
arritur të zbuste edhe qentë më të egër.
Shkruar kompozuar për VeD nga Artiona © VeD
Comments
Post a Comment