Fije reflektimi

 Shpesh rikthehem pas në vite

Dhe hulumtoj me kërshëri

Çfarë mundet vërtetë njeriu

Të zotërojë nga kjo gjithësi?

Vërtetë asgjë nuk është e jotja

Sepse krijesë je o njeri !

Nëse  toka shtrat të bëhet

Pronari i saj, jo, nuk je ti

Nëse qiellin ke mbulesë 

Falendero për këtë mirësi

Vetëm atë çfarë mban në zemër

E merr me vete në përjetësi

Një Krijues i Gjithëdijshëm 

S'mund të krijojë pa një qëllim

Një, i Vetëm është Ai

Që meriton çdo adhurim!

"Betohem në kohën; Se njeriu është në humbje të qartë; Përveç atyre që besuan dhe bënë vepra të mira; Dhe këshilluan njeri-tjetrin për nga e vërteta; Dhe këshilluan njeri-tjetrin për durim"

{Kuran 103}

Për VeD shkruar kompozuar nga Jehona Quku