Duke shkuar për sabah

Një njeri i vjetër , kishte kaluar disa kohë pa shkuar në xhami e për të falur namazin e sabahut!
Të nesërmen vendosi të zgjohej herët , të nisej për në xhami e të zinte një vend në saf të pare !
E kështu bëri . Të nesërmen ,
u vesh , u parfumos e u nis.
Rrugës teksa po shkonte , u pengua e u rrëzua në tokë .
U bë pis me baltë e duhej të ndërronte rrobat pasi ashtu nuk mund të shkonte dot.
U kthye në shtëpi , u ndërrua e u nis sërish.
Teksa ecte , disa metra më tutje nga ku u rrezua herën e parë , pengohet e rrëzohet sërish. 

Sërish , ngrihet , shkon në shtëpi e vendos të pastrohet e niset përsëri për në xhami .

Kishte edhe pak kohe , por mund të ia dilte !

Del për herë të tretë nga shtëpia , e kur del nga shtëpia shikon një burrë me një fener në dorë !

Burri i flet
- Për ku je nisur kështu o njeri ?
-Për në xhami , më duhet të fal namazin e sabahut!
- Hajde me mua e të shoqëroj unë , sepse edhe une andej po shkoj !

Kështu u nisën , e me të mbërritur në xhami , njeriu me fener ndalon , teksa burri i vjetër vazhdonte rrugën për tu futur brenda xhamise !

-Hajde brenda :- i thote burri
- Jo , brenda nuk vi , erdha deri ketu për të të sjellë ty!
Burri i habitur e pyet sërish :
-Çfare thua , po ti kush je ?
- Unë jam shejtani - përgjigjet njeriu me fenerin në dorë!
-Si shejtani ? :- ti më solle deri në derë të xhamisë !
- Betohem që shejtani jam :- herën e parë kur dole nga shtëpia , të rrëzova e  ti u ktheve sërish e ti fali Zoti gjithë gjynahet e tuaja . Heren e dytë ,të rrëzova sërish , ti u ktheve në shtëpi , u bëre gati për në xhami , e Zoti t'i fali gjithë gjynahet e familjarëve të tu . Herën e tretë , të solla deri në derë të xhamisë se pasha Zotin po të të kisha rrëzuar sërish , kisha frikë se mos Zoti do të t'i falte të gjithë gjynahet e qytetit!

© VeD