Nga Dheu Në Dhe...

Të Zotit jemi e tek Ai do të kthehemi!

Nëse për një moment të vetëm do të meditonim , ç'do të ndodhte ?

A do të ndryshonte vallë jeta jonë ?

Jeta është vetëm 1 sekondë larg , vetëm një moment meditimi , e çdo gjë mund të ndryshojë.

Mund të ndryshojë mënyra e të menduarit , mund të ndryshojë kultura apo edukata jonë , mund të ndryshojë këndvështrimi jonë për jetën !

Për të arritur tek meditimi i pastër , duhet të pastrohemi nga të papastrat që kanë mbuluar zemrën tonë , trurin tonë , e të gjithë trupin !
Zilia , mendjemadhësia e urrejtja janë ndër gjërat që e pengojnë njeriun të jetë njeri ! 

E gërryejnë njeriun përbrenda si gangrenë , duke e copëtuar e duke e kthyer në një qënie ku ai vetë vë në diskutim a është më njëri a jo !

Një studiues amerikan Brian Stulman, ka studiuar per rreth 20 vite përse njerëzit nuk ndihen mirë me veten e tyre edhe e gjejne veten shpesh në ankthe e mërzitje të pakuptueshme .
Studiuesi kishte arritur në përfundimin se zilia ishte shkaktari kryesor për këtë gjendje që prekte njerëzit !
"Pse ai ka më shumë lekë se unë?"
"Pse ai ka një makinë më të mirë se unë?"
"Pse ai ka një shtëpi më të madhe se unë?"
Shkurtimisht , gjithçka qëndron tek "Pse ai e jo unë?" . 

Duke e pastruar veten nga zilia , zemra jonë gjen qetësi e truri mund të meditojë i qetë !

Herët a vonë , çdo njëri do t'a pyesi veten me pyetje të tilla si
"Pse jam këtu?"
"Kush më solli?"
"Cili është qëllimi im në këtë botë?"
"Kush na krijoi?"

E për të gjitha këto pyetje , një përgjigje është , por fillimisht , siç e thashë më lart , duhet që zemra jonë të jetë e pastër , e të lejojë të futen në të gjëra që e plotësojnë qënien tonë !

Jeta jonë është një udhëtim , nga Allahu , tek Allahu , duke kaluar mes kësaj bote!
Jeta jonë lind nga dheu e në dhe do të perfundojë !

Ky realitet që për disa mund të duket i vështirë për t'u pranuar, është gjithashtu ndër gjërat më kuptimplotë e më të prekshme në kuptimin e asaj çka përfaqëson njeriu.

Zoti e krijoi njeriun nga dheu , e më pas i dha atij shpirtin . Mos vallë këtë e bëri pa arsye ?

Absolutisht që jo . 

Po të meditojmë pak , do të vërejmë se nuk mund të bëjmë dot pa zarzavatet apo frutat e ndryshme që janë produkte të dheut .
Rastësi ? Nuk mendoj.

Çdo gjë që ka krijuar Allahu nuk është rastësi , por çdo gjë funksionon në harmoni të plotë me njëra tjetrën.

Ky ishte veç një shembull , pasi fakte ka me mijëra e mijëra!

Një njeri i thjeshtë krijon një aparat celular , një televizor , një makinë , një shtëpi e gjera të tjera që na rrethojne në këtë botë , e asnjëherë nuk e krijon kot .
Secila prej gjërave që ai krijon , e krijon për një qëllim a funksion të caktuar !

Kur një njeri i thjeshtë krijon këto gjëra për qëllime të caktuara , vallë i Madhi Allah të krijoi kot , pa arsye ?

Qëllimi jonë në jetë , është falenderimi i të Madhit Zot për mirësitë e Tij të pafundme që na ka dhuruar , për shansin e mirë për të qënë njeri , e për mundesinë për të adhuruar vetëm Një Krijues!
Erdhëm nga një pikë uji , u formuam në barkun e nënës , e erdhëm në këtë botë në një trajtë të dheut me shpirt në të !
E ky shpirt nuk perfundon me largimin nga kjo bote . Në fakt ky shpirt zgjohet kur ne vdesim ! 

Disa njerëz e keq interpretojnë mënyrën e jetesës së një muslimani/e duke i akuzuar ato/a se nuk përkushtohen në përmirësimin e kësaj bote para se të largohemi !
Gabim!
Ajo për çka ne themi të mos rendim pas kësaj bote , janë të mos rendim pas të këqijave të kësaj bote . Pas epsheve tona , imoralitetit , alkoolit , bixhozit e veprave të tjera të refuzuara nga i Madhi Allah!

Por , ne duhet ta shijojmë këtë botë , pa shkaktuar hidherimin e Allahut ndaj nesh , robërit e Tij!

Jeta është një udhëtim , nga Allahu , për Allahun , tek Allahu

© VeD